Best Top Kitchen Tips In urdu / hindi – kitchen tips & tricks

Posted on Aug 16 2016 - 11:54pm
90
--------- Advertisement ---------

------------------

Best Top Kitchen Tips In urdu / hindi – kitchen tips & tricks

Ye chand mofeed (useful) kitchen cleaning aur cooking tips aur ticks apko kitchen achi tarah rakhne main help karen gee.

Top Totkay and Tips for Kitchen in Urdu / Hindi :

--------- Advertisement ---------

------------------

1. Agar andoon par cooking oil laga kar rakha  fridge main rakha jay tou woh 2-3 weeks ziada sehi rehte hain.

2. Kailon (bananas) ke siron (tops) ko plastic (shopping bag) se dhak kar rakhne se woh 3, 4 din ziada taza rehte hain. Agar possible ho tou har kele ke darmeyan main bhi plastic sheet rakh den.

3. Adrak ko churi ke bejaye chamach (spoon) se cheelna ziada asaan hai

--------- Advertisement ---------

------------------

4. Cheezon ko flat (choray bartan main) freez karne se woh jaldi aur achi freez hoti hain

5. Hamara agla kitchen totkay and tip ye hai k gosht ko agar kaatne se pehle 10-15 minutes freezer main rakh liya jay tou katne main asaani hoti hai.

6. Kitchen main aik chota hand towel zaroor rakhen.

--------- Advertisement ---------

------------------

7. Anday boil karne ke baad jitna jaldi mumkin ho cheel lain. Jitna dair se chelain gey, utna hi mushkil ho ga.

8. Sabziya aur phal kaatne se pehle dhoen. Baad main dhonay se baaz zaroori ghazai ajza zaya ho jatay hain.

9. Machli ko ziada der freez rakhne k liye iss par haldi aur aur namak laga kar freez karen.

10. Agar time kam ho tou khanay main tamatar dalnay k bejay tomato sauce dala ja sakta ahi.

11. Agar khana mehmanon ke liye tayyar kar rehe hain tou koi nai recipe try na karen.

12. ‘Golden’ anda boil karne ke liye issay boil karne se pehle 2, 3 minutes achi tarah shake karen.

13. Boiled egg se chipkay chotay tukray utarnay k liye apni ungli bhego lain

14. Podina ya dhanya taza rakhne k liye glass main pani daal kar  usmain podina khara kar den- Kai din tak taza rahe ga

15. Chapati ko hotpot ya ponay main taza aur narm rakhne k liye usmain aik tukra adrak rakh den

16. Narm chapati pakanay k liye aatay main thora garm dhoodh mix kar lain.

17. Omlete ka taste bharnay k liye uss ko phaint’tay waqt aik chamach dhoodh ya pani daal lain.

18. Chawal (rice) ko fluffy aur danay eledah eledah rakhne k liye pakatay waqt rice main aik bara chamach lemon juice daal den.

19. Butter ko jald narm karne k liye issy chotey tukron main kaat lain.

20. Peyaz ko cheel ke thanday pani se dho lene se woh ankhon main nahin chubhta aur tears nahin aatay.

21. Bhendiyan pakatay waqt aik chamach lemon juice mix karte houwey bhindiyon ka taste barh jata hai aur laise kam ho jati hai.

22. Biryani ya palao pakatay howey  peyaz ko tarka lagtay howey uss main aik chutki cheeni mila lene se brown colour ziada aata hai.

23. Maltay ya tamatar ko aasani se cheelnay k liye 1 minute garm pani aur phir 1 minute thanday pani main bhego lain.

24. Qeema pakatay waqt uss main se zaaed fats (churbi) nikalne k liye aik gajar keemay main daal den aur jab pak jay tou gajar nikal lain.

25. Agar khana pakatay howey oil uchal raha ho tu uss main aik thora namak chirak den.

25. Aik aur top kitchen tip ye hai k kitchen main jald bazi na karen aur har kam tahamul aur sakoon se karen.

26. Hamari aakhri kitchen and cooking tip ye hai k apni saas ki kitchen main madad karen 🙂

Kitchen Cleaning Tips and Tricks in Urdu/ Hindi:

  • Kitchen ki safai top se start karen aur farsh last pe dhoen
  • Khanay ke baad stove aur doosri istemal shudda cheezen saaf karen
  • Floor per achi tarah jharoo aur pocha (mop) lagaen aur bins ko khali karen. Kitchen sink ki bhi safaai karen.
  • Kitchen towels ko rozana dhoen. Mop ko bhi rozana istemal ke baad khushk karen.
  • Har khanay k baad bartan dho lain.
  • Heavy equipment jaisa k fridge, microwave etc. ko haftay main aik baar zaroor saaf karen.
  • Maheenay main aik baar saray kitchen ki bashamool cabinets achi tarah cleaning karen.

--------- Advertisement ---------

------------------

Frequent searches leading to this page:

Best Top Kitchen Tips In urdu / hindi – kitchen tips & tricks was last modified: August 16th, 2016 by disneyjunior