Ispaghol Ke Fawaid | isabgol Ke Fawaid Urdu

Posted on Aug 29 2016 - 1:00am
245
--------- Advertisement ---------

------------------

Ispaghol Ke Fawaid | isabgol Ke Fawaid Urdu

Ispaghol is cold and watery in nature. It is a best medicine and food for body parts, dryness, and many other problems. Isabgol removes the itching, swelling and soft pain of intestines. It is a best medicine for constipation problem in all over the whole World. Ispaghol is a medicated treatment of home by the research of Yunani Hakeems. We can use ispaghol with milk, lassi and sugar syrup. Isabgol is very useful and healthy for stomach problems. We can take ispaghol daily. In this page you can see the information and Isabgol benefits in Urdu, Hindi and Roman Hindi.

Isabgol Benefits In Urdu (Isabgol ke faide In Urdu) :

--------- Advertisement ---------

------------------

Isabgol ka mizaaj sard aur tar hai aur qudrat ne is mein roghni maddey koot koot kar bhar diye hain. Garmi door karne aur badni aazaa ki khushki door kar ke in mein ghizaeyat aur narmi paida karne mein Isabgol be missal dawa aur ghiza hai. Aanton aur aesaab ki khushki door karne aur in mein qudrati lachak paida kar ke in ki jalan, kharash aur einthen rafaa kar ke daimi qabz torhne ke liye duniya bhar ki koi dawa bhi shayad he is ka muqabla kar sake, yunani hakeemon ne saddiyon se is par research kar ke ise hamari gharelo dawai bana diya hua hai. Aaj bhi aap ko garam khushk mumalik aur Pakistan ke chote barhe shehron mein subha lakhon ashkhaas doodh, lassi ya sugar ke sharbat ke sath ispaghol ka nashta karte nazar aaenge.

Jab ghiza ki naali mein kharash jalan aur zakham ho jaenge to subha aik tola se aik chitank tak Isabgol powder pao 2 pao neem garam doodh mein mila ka rise sharbat anaar se meetha kar ke ghont ghont peene se 2, 3 roz mein ALLAH PAK ke fazal se kharash band aur naali saaf ho jati hai.

Jab mou pukk jae aur halaq waram kar jane se bolna aur ghiza ka nigalna dushwar ho jae to aik tola Isabgol ke beej aadha pao pani ya macco ke arq mein halka josh de kar is se gharare karne se 1, 2 din mein sehat ho jati hai.

--------- Advertisement ---------

------------------

Garmi ke asar ziyada gosht aur tez mirch masala istemal kam sone aur sara din cigarette ya tea peete rehne se hamari intestines mein kharash aur zakham ho kar pedhish, lahu aur dast aane lagte hain. In halaton mein roti band kar ke 1, 2 roz ispaghol sawa tola se 10 toley tak badani deal dole ke mutabiq doodh ya dahi pao 2 pao mein mila kar ya dahi ki lassi ya banafsha ke sharbat ke sath phank lene se 1, 2 din mein pechish door, lahu band aur garmi mein khushki se chutkara ho jata hai, bashart yeh hai ke roti aur gosht khana band kar den aur sirf Isabgol aur doodh dahi par he guzara karen. 1 chitank ispaghol aur aadha pao doodh ya dahi yaad se he kha lene se badan mein is qadar ghizaeyat ho jati hai, jis qadar ke aik waqt pori ghiza khane se humen milti hai.

Hamare mulk mein khushki, ghardogubhar aur cigarette ziyada istemal karne se baaz log khushk dameyke marz mein giraftar ho jate hain. Jab khansi har waqt rahe. Balgham mushkil se kharij ho, zaban maili aur qabz ki shikayat ho. Waqt be waqt saans ukharne aur damey ka daura tang karne lage t6o subha ke waqt daily sharbat e banafsha ya doodh ke sath 1 tola se aik chitank tak salim ispaghol phank len aur sham 4, 5 baje kashta abrak siyah, 1 ,2 rati khamira gao zaban sada 1 tola mein mila kar chand dino se chand maah is gharelo dawa ka istemal kar ke damey se khulasi hasil karen.

Aaj kal ke rehan sehan ke taur tariqon sara sara din parhe rehne aur ziyada se ziyada daulat kamane ki fikar mein hamare naujawan larhke larhkiyon aur jawano mein baal kamzor, khushki se baal phatne aur girne shuru ho rahe hain. Matab mein aane wale 40 % talib e ilm baal safaid hone ki shikayat bhi karte hain. Is barhte hue sailab ko rokne aur baalon ki khobsurti aur siyahi qaiym rakhne ke liye tola 2 toley ispaghol ka luaab nikaal kar balloon ko is ki halki halki malish kar ke kam az kam 2 ghante laga rehne den aur baalon ko na wash Karen. Mahina 2 mahina yeh amal jari rakhne aur khopri aur badan ke dosre hisson mein roghni ta qaiym rakhne ke liye kashta chandi aik aadh rati ya jawahir mehra 2, 4 chawal 11 adad maghaz badaam 6 mashey se 1 tola tak 4 maghaz aur 7 daney munaqqa ke pani ya doodh mein raghar kar in ka sheera nikaal kar meetha kar ke chand hafte lagataar istemal karne se ALLAH PAK ke fazal se sehat ho jati hai.

--------- Advertisement ---------

------------------

Aaj kal gas aur tabkheer maida ka marz zoron par hai. Jab tabkheer ke sath sir dard, zuban khushk aur aesaabi tanao ho to subha ke waqt 2, 4 toley ispaghol aur surkh shakkar ke sharbat ka nashta karna, dopehar aur raat ke khan eke bad makoni 1, 2 mashey aur sham ke waqt kashta faulad 1, 2 rati kisi mausami phal ke sath chand roz istemal karne se sehat ho jati hai. Is ko pees lar arq e gulab ya vinegar mein mila kar laip karne se sakht garam waram aur phorey phunsiyan door ho jate hain.

--------- Advertisement ---------

------------------

Frequent searches leading to this page:

Ispaghol Ke Fawaid | isabgol Ke Fawaid Urdu was last modified: August 29th, 2016 by disneyjunior