Palken (eyelashes) tips in Urdu/Hindi – lamba seyah khubsurat

Posted on Sep 3 2016 - 11:49am
99
--------- Advertisement ---------

------------------

Palken (eyelashes) tips in Urdu/Hindi – lamba seyah khubsurat

Ghani palkain ( lusher eyelashes) aur raishmi zulfain – her shair ki ghazal mein zikar hai in ka aur her mard ki kamzori bhi. Na janay kitnay hi kalam in per kahay jaa chukay hain aur aaj bhi agar dekha jaye tu husn o arayaish ki baat chalay tu sab sey pehlay khoobsoorat ghanairi palkon (eyelashes) aur ghani siyiah zulfon (hair) ka zikar hua karta hai. Jin ki palkain ghani na hon woh naqli palkein laga ker guzara kar skti hain lekin kab tak? Aap janti hon gi kay naqli palkain lagana koi itna asaan kaam nahi aur asli aur naqli ka koi muqabala nahi. Agar aap apni palkain haseen, ghanni aur lambi karna chahti hain taa kay aap ki ankhain khoobsoorat lagain aur ap kay chehray per malkooti husn numyian honay lagay tu aisa kijye kay neechay di gai eyelashes growth beauty tips parh lijye. Inn beauty tips ko bohut so nay azmaya hai aap bhi azmaa lijye aur apni palkon ko haseen bana lijye.

How to Grow Eyelashes (Palkain) Tips:

--------- Advertisement ---------

------------------

Ghanairi haseen palkon ka raaz hai umda aur behtreen ghazaa aur un ki dekh rekh. Ap ki palkain ap ki ankhon ki hifazat karti hain aur unhay khoobsoorat bananay mein ahem kirdaar ada karti hain. Kuch logo ko warasat mein lambi aur ghanni palkain ataa ho jati hain per agar aap wesi khushkismet nahi tu ghabranay ki koi baat nahi. Aap petroleum jelly lay lijye aur apni ankhon kay makeup ko iss saaf kijye. Yeh behtreen makeup saaf karnay ki tarkeeb hai aur na sirf palkon ko naram karti hain balkay lamba karnay mein madadgaar hai. Sab se achi baat yeh kay her ghar mein petroleum jelly mojood hoti hai aur agar nahi bhi hai tu aap bazaar se asani sey khareed lain. Yeh bilkul mehngi nahi hoti aur koi bhi is ko khareed skta hai. Petroleum jelly raat ko laga ker sjayei aur subah uth ker ankhain achay sey dho lijye.

Kia ap ko khabar hai kay green tea ya sabz chaye ap ko motapaa khatam karnay mein madad kartay hain? Aur green tea ya sabz chaye kisi royii ya cotton ball ki madad se apni ankhon per palkon yani eyelashes ki jaron mein lagyein gi tu ap ki palkain ghani aur lambi ho jayein gi. Hamein umeed hai kay bohut kam khwateen ko sabz chaye ki is khasoosiyiat ka ilm ho ga lekin aap is nuskhay ko istemal kr k dekhyei aur haseen ban jayei.

Apni palkon yani eyelashes mein zaitoon ka tail lagayei jo na sirf in ki hifazat karay ga, in ki jarein mazboot banaye ga balkay palko ki lambai mein ghair maamooli izafa bhi karay ga. Apni palkon per mascara kabhi bhi raat bhar na choryei. Iss se ap ki palkay kamzor ho jayein gi aur jharnay lagain gi. Rozana zaitoon k tail se malish krain sonay se pehlay aur aik saaf mascara brush lay ker in ki kanghi krein. Iss amal se palkain ghani, mazboot aur shandaar lambi ho jayein gi. Agar aap chahain tu zaoroon kay tail kay dibay mein ik leemoo kaat ker daal lain. Kuch din para rehnay dain aur phir is tail ko istemal krein. Yeh ap ki palkon ko bohut khoobsoorat aur ankhon ko beemari se bachaye ga. Aur apni khoobsoorti kay liye apni khoraak per tawajah dena bilkul na bhoolyei. Paani zaroor pijye kam az kam 8 glass rozana. Hamain umeed hai kay yeh gheruloo totkay ap kay bayhad kaam ayein gay aur ap apnay aap ko haseen se haseen tar bananay kay liye yaqeenan in ko istemal krein gi.

--------- Advertisement ---------

------------------

--------- Advertisement ---------

------------------

Frequent searches leading to this page:

Palken (eyelashes) tips in Urdu/Hindi – lamba seyah khubsurat was last modified: September 3rd, 2016 by disneyjunior